Laura Moure/IsmaelRS/Xeral
Como cada 17 de maio, hoxe celébrase o Día das Letras Galegas. Unha data moi especial para Galicia, pero o galego hai que sentilo. É un dos grandes tesouros, porque temos moitos, dos que podemos presumir: as mellores praias, as máis variadas paisaxes, unha gastronomía de luxo... e porque somos os máis riquiñ@s do mundo en todos os sentidos.
Pero a nosa lingua é algo innato que só aqueles que a empregamos sempre sabemos do que falamos. Hoxe as redes sociais, todos os medios de comunicación... poñen en valor a nosa lingua. Pero sabedes que de nada vale se despois se ignora o resto do ano? En ECOS DA COMARCA o galego é a nosa lingua! Por que empregar outra se é o noso idioma? Por iso é preciso concienciar máis da importancia de ter unha lingua propia, de que as linguas traspasan fronteiras e de que debemos inculcarllas as novas xeracións: porque elas son o futuro e delas dependen que o noso fermoso idioma siga existindo.
HOXE E SEMPRE FALEMOS GALEGO!!
Comments