Desfiles, música, lambetadas e moita orixinalidade marcaron o Entroido educativo
Laura Moure/Xeral
É época de Entroido e este faise notar en todos os rincóns das comarcas. Este venres foi o gran protagonista nos centros educativos. O alumnado vestiu o seus disfraces e na maioría dos casos, desfilou polas vilas ante a atenta mirada de familiares e veciños, e despois recibiu algunha que outra lambetada ante os Consistorios.
Cada vez máis apóstase nas aulas pola reciclaxe á hora de disfrazarse o que leva impregnado a importancia de darlle unha segunda vida ás cousas. E o certo é que con distintos materias fan as caracterizacións máis orixinais do mundo! Ademais, a música tamén acompañou esta xornada festiva na que o bo tempo permitiu desfrutar aínda máis dela.
E falando de música, o CEIP da Martagona de Melide disfrazouse tendo a esta como temática: DJS, gaitas, trompetas, tambores, xilófonos.. foron os disfraces elixidos para esta ocasión e como se pode ver no seguinte vídeo durante o seu desfile pola vila:
Autor: Ecos da Comarca.
E falando de larpeiradas, no caso de Agolada, o Concello apostou por entregarlles aos cativos unha bolsa de doces de Entroido.
Porque o importante neste tipo de festividades é manter as tradicións e trasladarllas ás novas xeracións para que nunca se perdan.
Deixamos por aquí fotos de colexios doutras localidades, como de Antas de Ulla, Agolada e Monterroso:
Commenti