A Policía Local xa está a investigar a autoría dos feitos, pola gravidade das pinturas nun espazo público e polas mensaxes ofensivas que conteñen
As pintadas feitas no campo de fútbol da Gandareira.
Laura Moure/Silleda
O Concello de Silleda lamenta os actos vandálicos que se produciron a pasada fin de semana no muro exterior do campo de fútbol da Gandareira, na localidade da Bandeira, con grandes pintadas. A Policía Local xa está a investigar a autoría dos feitos, "pola gravidade das pinturas nun espazo público e polas mensaxes ofensivas que conteñen".
Tampouco se libraron das pintadas elementos do mobiliario público como varios contenedores á entrada do estadio. “É lamentable que sigamos tendo que ver actos vandálicos coma estes”, sinala o alcalde, Manuel Cuiña, que agarda que as investigacións policiais poidan dar cas persoas responsables.
