Laura Moure/Silleda
O alcalde de Silleda, Manuel Cuíña, e a Concelleira de Xestión Urbana, Paula Fernández, visitaron este martes as obras que comezaron onte mesmo na rúa Cartagena para mellorar o estado de conservación e a estética desta vía semipeonil, asimilándoo así co resto da contorna na que se inclúe a rúa Progreso e a Praza do novo Consistorio.
Publicidade
Para iso, procederase á retirada dos bolardos, facendo a rúa máis ampla, apostando por unha plataforma única de calzada e beirarrúas e dándolle unha imaxe uniforme ao centro urbán de Silleda. “Visto o bo funcionamento que está tendo a plataforma da rúa Progreso imos trasladar ese modelo a todas as rúas próximas”, dixo o alcalde.
As obras incluirán tamén a substitución das luminarias existentes por outras con mellor eficiencia enerxética e a instalación de elementos vexetais. Estas reformas están sendo levadas a cabo por operarios municipais.
Estas obras enmárcanse no novo Programa de Mellora Urbana, un compromiso adquirido polo novo goberno que irá desenvolvéndose ao longo dos próximos meses co persoal municipal.
