O Concello de Palas solicitará a Fomento o arranxo de varias vías municipais afectadas polas obras da A-54

Ademais, tamén lle remitirá a problemática na traída da auga en Vilar de Remonde como consecuencia tamén destes traballos

Laura Moure/Palas de Rei

O Concello de Palas de Rei remitirá ó Ministerio de Fomento unha solicitude para a reparación de varias vías municipais afectadas polas obras da autovía A-54. Neste caso e según informa o alcalde, Pablo Taboada, os danos afectaron ós accesos a varios núcleos de poboación nos lugares de Belouchada, A Ulloa e Andemil, así como, no lugar de San Pedro de Meixide. Tamén se viron afectados outros lugares en Vilar de Remonde, Remonde, O Coto, Vacariza e a Florida.

"Todas estas vías, presentan danos importantes como consecuencia da execución da autovía Lugo-Santiago e dende o Concello comunícase ó Ministerio de Fomento para que procedan a execución da reparación das mesmas, no tramo Palas-Melide da Autovía A-54".

Publicidade

Preme na imaxe para obter máis información!

O Concello, tamén, dirixirá un escrito a Deputación Provincial de Lugo para que exercite os seus dereitos polo deterioro do víal Coto-Pedraza como consecuencia das obras da Autovía.

Publicidade

Preme na imaxe para obter máis información.

O alcalde de Palas, Pablo Taboada, comunicará ó ministerio a problemática dos veciños de Vilar de Remonde coa traída de augas vecinal que se atopa sen servizo como consecuencia das obras da autovía.

Publicidade

Preme na imaxe para obter máis información do evento.

Neste caso, o mandatario matizou que a traída non é municipal polo que solicitará a Fomento que se atendan as peticións dos veciños de Vilar de Remonde.