O Concello de Monterroso destaca o "éxito" da XII Concentración Moteira da pasada fin de semana

Ao longo do sábado e domingo máis de 300 motos déronse cita nesta localidade

Laura Moure/Monterroso

O alcalde de Monterroso, Eloy Pérez, subliña o éxito de participación da XII Concentración Moteira que se celebrou na vila o sábado e o domingo atraendo a centos de afeccionados ao motor.

Ao longo do sábado e domingo máis de 300 motos déronse cita en Monterroso nunha concentración na que houbo xogos, exhibicións, música, premios e sorteos.

Publicidade

Preme na imaxe para obter máis información do evento.

Un dos momentos máis concorridos foi a exhibición de Paulo Martinho, pioneiro do Freestyle a nivel europeo, quen fixo un pase pola tarde e outro de madrugada, congregando a centos de seguidores desta modalidade deportiva.

Publicidade

Preme na imaxe se queres contactar connosco.

O rexedor agradece o traballo levado a cabo polo Motocuble Ó Corte e destaca a recuperación desta cita que había anos que non se celebraba e que remata "de xeito exitoso" para a vila.