O Concello de Monterroso conta cunha ocioteca municipal
- Laura Moure
- 21 oct 2023
- 1 Min. de lectura
O servizo diríxese a nenos e nenas en idades comprendidas entre os 3 e os 11 anos e as familias poden elixir entre xornada completa ou media xornada ou bonos por horas
Laura Moure/Monterroso
O Concello de Monterroso conta cunha ocioteca municipal.Trátase dun servizo infantil de conciliación familiar con horario extraescolar. A ocioteca funciona en época escolar, con horario de 15:30 a 20:00 horas e tamén en época estival, con horario de 08:30 a 14:30 horas.
Publicidade
O servizo diríxese a nenos e nenas en idades comprendidas entre os 3 e os 11 anos. As familias poden elixir entre xornada completa ou media xornada ou bonos por horas. Este servizo municipal conta con moi boa acollida e ten unha media de 20 usuarios e usuarias por día.
Publicidade
Actualmente está atendido por dúas monitoras, que se encargan de organizar diferentes actividades lúdicas e de ocio para o entretemento dos nenos e nenas.
Agora mesmo todas as súas prazas están cubertas. Pódese obter máis información sobre este servizo municipal no Concello de Monterroso.
Publicidade
Kommentit