top of page

O Concello de Monterroso abrirá todos os días de feira o Museo e Centro de Interpretación

Así xa estará aberto mañá, día 1 de setembro, en horario de 11:00 a 13:00 horas para quen queira visitalo


Laura Moure/Monterroso

O Museo e Centro de Interpretación 'Monterroso, a vila das feiras' estará aberto o día 1 de setembro en horario de 11:00 a 13:00 horas para quen queira visitalo. O Concello de Monterroso decidiu abrilo ao público todos os días 1, coincidindo coa feira mensual, ata que se determine o novo horario de apertura continuado.

O museo alberga restos históricos de diferentes épocas, algúns prehistóricos e outros atribuíbles a diferentes etapas e movementos artísticos, e de moi diferentes temáticas, como culinaria, espiritual, festiva, artística ou documental, entre outras. Este proxecto expositivo está pensado para todos os públicos.


Publicidade

Situado no antigo centro de saúde, o centro dispón de tres andares que permiten unha exposición permanente, exposicións temáticas, almacén, obradoiro de restauración e intervención das pezas que o necesiten ou un arquivo documental.


Publicidade

Aqueles grupos que desexen facer visitas guiadas deben poñerse en contacto co Concello de Monterroso para concertar data e hora.

0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png
bottom of page