Laura Moure/Monterroso
O CEIP Plurilingüe de Monterroso conmemorou, coa colaboración do Concello de Monterroso e das familias, o Día da Paz e da Non Violencia con diferentes actividades.
Publicidade
Unha delas foi a elaboración dun mural da Paz realizado con pelotas de tenis. Outra das actividades foi a confección dun mural de países en conflito, onde cada clase traballou un país e o conflito que vive.
Publicidade
A maiores, aproveitando as distintas realidades multiculturais que ten o centro, pedíuselles ás familias que trouxeran unha sobremesa típica dos seus lugares de orixe, que os nenos e nenas se encargaron de explicar aos seus compañeiros. Pedíuselles ademais ás familias de Infantil e de primeiro e segundo de Primaria que colaboraran traendo tamén sobremesas típicas da nosa terra.
Tamén se fixo un libriño por clase sobre 'A qué sabe a Paz' e unha cadea de boas accións. A celebración rematou cantando e bailando a canción 'Mensajes del agua' de Macaco.
Publicidade
O Colexio e o Concello dánlles as grazas a todos e todas por colaborar.
