A decisión, segundo o Concello, vén motivada por un descenso significativo no número de casos activos da Covid-19
Mercado de produtos de Melide. Foto: Concello de Melide
Laura Moure/Melide
A localidade melidense volverá acoller este domingo o mercado de venda de produtos agroalimentarios, despois de acadar un descenso significativo, e continuo ao longo dos días, no número de casos activos da Covid-19, tal e como informa o Concello.
O mercado celebrarase na súa ubicación habitual, na Praza das Coles e na Rúa Alhóndiga e "contará cun dispositivo especial de seguridade para que se poida celebrar baixo o estrito cumprimento das normas sanitarias vixentes".
O Concello rógalle aos veciños e veciñas que cumpran as normas básicas sanitarias: distanciamento social, hixene de mans e uso de máscara, para poder continuar coa tendencia á baixa, podendo así consolidar a celebración do mercado de produtos agroalimentarios.
Commentaires