María José Gómez visita o IES de Palas, polo programa de reparto de froita fresca, leite e castañas

A conselleira de Medio Rural resalta que este centro é un dos beneficiarios

desta liña de achegas que neste curso 2025/2026 conta cun orzamento de algo máis

dun millón de euros

Laura Moure/Palas de Rei

A conselleira do Medio Rural, María José Gómez, visitou onte o IES do Camiño, no concello de Palas de Rei, un dos centros educativos beneficiados polo programa de reparto de froita fresca, leite e castañas impulsado polo seu departamento. Gómez, que estivo acompañada polo alcalde da localidade, Pablo Taboada, explicou que o obxectivo desta iniciativa é potenciar o consumo de alimentos sans entre os nenos e a mocidade, co fin de crear hábitos alimenticios saudables que poidan desenvolver durante a súa etapa de crecemento para poder mantelos na súa vida adulta.

Para o presente curso 2025/2026 convocouse unha liña de achegas específica cun orzamento de algo máis dun millón de euros, á que poden acollerse todos os centros

escolares de Galicia, incluíndo a educación secundaria obrigatoria, o bacharelato e a

formación profesional de grao medio.

 Publicidade

Preme na imaxe para obter máis información.

Así, os centros beneficiados poderán gozar de dous períodos de distribución, un que

abrangue ata febreiro de 2026 e outro entre os meses de marzo e xuño. En cada un

destes períodos a froita e as castañas distribúense durante 10 días lectivos consecutivos;

mentres que o leite se reparte durante un mínimo de 10 días.

Publicidade

Preme para contactar con nós e pregunta polas tarifas que son unha bicoca!

Neste curso estanse beneficiando desta acción un total de 297 centros de toda Galicia, o

que implica a uns 80.000 alumnos. De xeito máis concreto, María José Gómez destacou

que só na provincia de Lugo hai 38 centros participantes, o que permite repartir alimentos

saudables entre uns 7.500 nenos e mozos lucenses.