Laura Moure/Boimorto
![](https://static.wixstatic.com/media/0216be_8fc36895b0354620993b56bd9327d10b~mv2.png/v1/fill/w_49,h_32,al_c,q_85,usm_0.66_1.00_0.01,blur_2,enc_auto/0216be_8fc36895b0354620993b56bd9327d10b~mv2.png)
A conselleira de Economía, Industria e Innovación, María Jesús Lorenzana, mantivo este luns un encontro coa alcaldesa de Boimorto, María Jesús Novo, no que abordaron diferentes vías de colaboración para seguir atraendo empresas cara ao municipio e contribuír así á creación de emprego e á fixación de poboación neste concello coruñés.
Publicidade
Durante a reunión, Lorenzana trasladoulle á rexedora a posibilidade de adherirse á iniciativa de Concellos Emprendedores, que colaboran coa Administración galega na captación de novos investimentos para Galicia, contribuíndo a avanzar na simplificación administrativa, os incentivos fiscais e o acceso ao solo industrial. En relación con este último aspecto, a alcaldesa trasladou o seu interese polo desenvolvemento de novas infraestruturas industriais no municipio.
Publicidade
A conselleira de Economía, Industria e Innovación lembrou o compromiso da Xunta con converter Galicia nun referente na península na atracción de proxectos empresariais, e neste sentido salientou que se vai activar a Oficina Económica de Galicia, un órgano de asesoramento técnico e administrativo adscrito ao Instituto Galego de Promoción Económica. Tamén adiantou a posta en marcha dunha nova estratexia de política industrial, cun plan de aceleración de proxectos e a elaboración de plans directores por sectores.