Elas son Eva Fuentes Senra, Verónica Lançao, Natalia González Coego, Rocío Fernández González e María Eva Paz Aguiar
Salón Teatro de Lalín onde terá lugar a entrega dos premios o luns.
Laura Moure/Lalín
Lalín xa ten o nome das gañadoras do XV Premio ás Mulleres Maruja Gutiérrez, promovido polo Concello, a través das Concellerías de Igualdade e de Comercio, e que convoca co motivo do Día Internacional da Muller.
Eva Fuentes Senra, da Gandeiría Xoco S.C., recibirá o premio na categoría de Xove empresaria.
Mentres que Verónica Ledo Lançao e Natalia González Coego, na categoría de Empresaria innovadora, pola empresa Educalecrín S.C.
Na modalidade de Mulleres en Movemento a galardonada é Rocío Fernández González, recentemente recoñecida como “Joven Ferretera de España 2020” e colaboradora con entidades locais como Carabelo, O Mencer, Aranes, Aspadeza, Fundación Amigos de Galicia, entre outras.
E María Eva Paz Aguiar, do Bar Rosaleda, é a gañadora na modalidade de traxectoria profesional Toda unha vida.
Presentouse unha decena de candidaturas. Cabe mencionar que para poden optar a estas distincións teñen que ser empresarias con independencia da forma xurídica do seu negocio e con domicilio social en Lalín, así como mulleres e asociacións ou colectivos que destaquen pola súa traxectoria tanto profesional como persoal ou o seu campo social.
O Salón Teatro acollerá ás 20:00 horas a entrega dos premios o vindeiro luns, 8 de marzo, con motivo do Día Internacional da Muller.
