Nesta tempada ofértanse as modalidades de baloncesto, voleibol, fútbol e fútbol sala para cativos a partir de segundo de Primaria
Laura Moure/Palas de Rei
O Concello de Palas de Rei deu comenzo, o pasado día 11 de outubro, unha nova edición das Escolas Deportivas coa finalidade de ofertar alternativas de ocio saudables, así como, unha maior familiarización coas distintas características técnicas das disciplinas deportivas e co xogo en equipo. Nesta tempada ofértanse as modalidades de baloncesto, voleibol, fútbol e fútbol sala para cativos a partir de segundo de Primaria.
As actividades impártense no colexio, no campo de fútbol e no pavillón, sempre en horario extraescolar. Os interesados en participar, poden ampliar a información referida ás disciplinas, os horarios e ás inscricións no propio Concello de Palas de Rei ou nos números de teléfono 982 380 001 ou no 699113 344.
O Concello adapta o aforo de cada unha das modalidades deportivas ás medidas de seguridade sanitaria que requiere a actual situación derivada da pandemia. Tamén regula o uso de hidroxel e da máscara e de calquera outra medida en función do que digan as autoridades sanitarias en cada momento.
