Dende hoxe, todos os concellos das comarcas teñen casos activos de covid. O último dos concellos en incorporarse a esta lista é Sobrado dos Monxes
IsmaelRS/Xeral
MÉRCORES 8 DECEMBRO
Continuamos a semana informando dos casos de coronavirus nos municipios das comarcas de Arzúa, Deza, Terra de Melide e A Ulloa, segundo a información proporcionada hoxe, 8 de decembro, polo Servicio Galego de Saúde (Sergas) ou nalgúns casos por fontes municipais, pero hai que ter en conta que o número pode mudar en calquera momento. Dende hoxe, todos os concellos das comarcas teñen casos activos de covid.
Na comarca arzuá tal e como informa o Sergas, todos os municipios teñen casos activos de covid. Arzúa, Boimorto, O Pino e Touro sitúanse nunha escala entre 1 e 9 afectados, dende fai varios días.
Na comarca dezá tódolos municipios contan con casos de Covid. Dozón e Vila de Cruces sitúanse nunha escala entre 1 e 9 afectados, dende fai varios días. Agolada ten cinco positivos, os mesmos que na xornada de onte. Rodeiro conta con cinco positivos, tal e como informou fai varios días o alcalde, Rubén Quintá Quintá. Silleda conta con 15 casos activos, os mesmos que fai 24 horas. Pola súa parte Lalín sitúase con 34 afectados, un máis que na xornada de onte.
Na comarca Terra de Melide contamos todos os municipios contan con casos activos. Sobrado dos Monxes volve contar con casos, despois de varias semanas libre. Santiso e Toques sitúanse nunha escala entre 1 e 9 afectados, dende fai varios días. Pola súa parte o municipio de Melide segue nunha escala entre 1 e 9 casos activos, dende fai varias semanas.
Por último, na comarca da Ulloa todos os municipios contan con casos de covid. Antas de Ulla, Monterroso e Palas de Rei sitúanse nunha escala entre 1 e 9 afectados, dende fai varios días.
