Cruz Vermella e Abanca promoven unha sesión formativa sobre os caixeiros o 21 e 28 en Lalín

Para participar nesta actividade é necesaria inscrición previa

Ecos da Comarca/Melide/Palas de Rei

O uso dos caixeiros automáticos e da banca electrónica pode xerar moitas dúbidas entre as persoas maiores de 65 anos. Para resolvelas, Cruz Vermella e ABANCA veñen de comenzar unha colaboración dirixida a mellorar a formación dixital deste colectivo en diferentes localidades de Galicia dende agora e durante 2024. Ofreceránse dous tipos de sesións formativas para explicar o seu uso dunha forma segura e sinxela; animar a que tódalas persoas interesadas expoñan os problemas cos que se atopan no seu día a día e lograr que resolvan tódalas súas dúbidas.

Esta colaboración, que amplía o plan de formación e capacitación dixital de persoas

maiores en zonas rurais que desenvolve o banco desde marzo de 2022, dará comezo en

Lalín con dúas charlas: unha o martes 21 de novembro e outra o martes 28, en horario de

10:30 a 13:00 horas, na Asemblea de Cruz Vermella en Lalín (R/ Nuno Eanes de Cercio, 44 36500, Lalín) e no caixeiro de ABANCA situado nas proximidades. Para participar nesta

actividade é necesaria inscrición previa. As persoas interesadas poden solicitar máis

información chamando ó 986 78 25 81, ou a través do correo electrónico lalin@cruzroja.es

Publicidade

Os contidos destas charlas, que son gratuítas e serán impartidas por persoas voluntarias de ABANCA e Afundación, versarán, entre outros temas, sobre as operacións que se poden realizar nun caixeiro automático (retirada de efectivo, consultar o diñeiro dispoñible, domiciliar recibos, realizar ingresos, etc); como usar as tarxetas; así como consellos de seguridade imprescindibles á hora de usar os caixeiros e as tarxetas.

Publicidade

Ambas entidades plántanlle cara á exclusión financeira e a brecha dixital e apostan por

formar ás persoas maiores en banca dixital para que poidan facer uso dos caixeiros

automáticos para acceder as súas contas, de maneira que ganen autonomía.

A brecha dixital é un asunto especialmente preocupante, pois un dos últimos boletíns

publicados por Cruz Vermella apunta que o 73,4% das persoas maiores enquisadas non

accede nunca a Internet. A cifra, ademais, ascende no caso de persoas maiores que viven

soas involuntariamente (79,2%) e no caso das mulleres de máis de 80 anos (89,9%). A

miúdo, as maiores dificultades débense á carencia de recursos tecnolóxicos, redes

sociais e familiares, ou a escaseza de competencias dixitais. Polo que a formación é

unha das claves da Organización, ofrecendo, ademais deste tipo de charlas, por exemplo,

talleres para o manexo do uso do móbil e das novas tecnoloxías.