Ecos da Comarca/Xeral
![](https://static.wixstatic.com/media/nsplsh_434545686d414770597a45~mv2_d_4560_3648_s_4_2.jpg/v1/fill/w_147,h_118,al_c,q_80,usm_0.66_1.00_0.01,blur_2,enc_auto/nsplsh_434545686d414770597a45~mv2_d_4560_3648_s_4_2.jpg)
O Instituto Galego de Estatística (IGE) publica hoxe a Estatística de nomes dos neonatos galegos correspondente ao ano 2021, que reflicte que ‘Sofía’ e ‘Mateo’ seguen a ser os nomes máis frecuentes das nenas e nenos nados en Galicia.
Os nomes de mulleres máis comúns son ‘Sofía’, ‘Noa’, ‘Martina’, ‘Lara’ e ‘Valeria’, que continúan nas primeiras cinco posicións se se compara co 2020.
En canto aos nomes masculinos, a estatística mostra que os cinco máis frecuentes son ‘Mateo’, ‘Martín’, ‘Hugo’, ‘Leo’ e ‘Lucas’. A comparativa co ano 2020 reflicte que estes eran tamén os nomes preferentes nese ano, coa diferencia de que ‘Lucas’ estaba no terceiro lugar e no 2021 baixa ata o quinto posto, por detrás de Hugo e Leo, que ocupan o terceiro e cuarto posto respectivamente.
Por outra banda, se se amplía a mostra e se teñen en conta os 20 primeiros nomes, pódese ver como en 2020, no caso dos nenos, todos os nomes se manteñen na lista, agás ‘Iago’, ‘Anxo’, ‘Mario’ e ‘Adrián’ que dan paso no 2021 a ‘Roi’, ‘Bruno’, ‘Luca’ e ‘Alejandro’.
En canto ás nenas, no 2021 incorpóranse ‘Emma’ e ‘Lola’ e desaparecen do listado dos 20 primeiros ‘Alma’ e ‘Uxía’.
![](https://static.wixstatic.com/media/0216be_83caf51d4b854094b2c57cdf242db5fa~mv2.png/v1/fill/w_80,h_54,al_c,q_85,usm_0.66_1.00_0.01,blur_2,enc_auto/0216be_83caf51d4b854094b2c57cdf242db5fa~mv2.png)
Nomes máis frecuentes da poboación
O IGE tamén dispón da Estatística sobre os nomes máis frecuentes da poboación a través da cal se pode coñecer a evolución histórica dos nomes en función da comarca, o xénero ou a década (desde antes de 1930 ata a década actual).
Esta estatística ofrece información relativa aos nomes da poboación que ten fixada a súa residencia na Comunidade Autónoma de Galicia, e permite tamén coñecer a distribución comarcal de calquera nome. Pódese consultar no seguinte enlace: