Bota a andar o Xogarzúa, o programa de conciliación no período estival que organiza o Concello

O alcalde Xoán Xesús Carril mantivo un encontro coas familias, no que se explicou o funcionamento do servizo nesta nova edición

Ecos da Comarca/Arzúa

A próxima semana e ata o día 1 de setembro, botará a andar o Xogarzúa, un servizo de conciliación organizado polo Concello de Arzúa para axudar ás familias a conciliar a vida familiar e laboral durante os meses de verán. Por este motivo, o Concello organizou este luns un encontro con pais e nais das persoas usuarias deste servizo.

Preme na imaxe para obter máis información do evento.

Nesta xuntanza, o alcalde de Arzúa, Xoán Xesús Carril, estivo acompañado do técnico de Igualdade do Concello de Arzúa, Adrián Gonçalves, e de representantes da empresa concesionaria do servizo, e as familias recibiron de primeira man información a respecto do funcionamento desta nova edición do Xogarzúa.

Preme na imaxe para obter máis información do evento.

O alcalde arzuán sinalou que “o compromiso do goberno que lidero coa conciliación é claro e débense destinar máis recursos para garantir a atención de todas as nenas e nenos e facilitar que as familias poidan conciliar”.

“A demanda deste servizo é moi grande, e sen dúbida é intención deste goberno manter, mellorar e ampliar este e outros servizos de conciliación, imprescindíbeis nos tempos que corren xa que son un recurso educativo mais tamén un servizo público indispensábel para as familias arzuás,” concluíu.

Preme na imaxe para contactar connosco.