Laura Moure/Silleda
A concellería de Benestar Social de Silleda reuniuse este venres con Belén Fabeiro, representante da Fundación Menela, unha entidade social que atende ás necesidades de persoas con Trastorno do Espectro Autista e ás súas familias dende os primeiros anos de vida ata a idade adulta. Entre os aspectos que se trataron nesta reunión, destaca a posibilidade de implementar o proxecto +RuralTEA en Silleda, un modelo de intervención que permita o acceso e a mellora de servizos para as persoas con autismo que residan en zonas rurais.
![](https://static.wixstatic.com/media/0216be_2aa162dcffe44b86879323b8facb66a0~mv2.jpeg/v1/fill/w_147,h_83,al_c,q_80,usm_0.66_1.00_0.01,blur_2,enc_auto/0216be_2aa162dcffe44b86879323b8facb66a0~mv2.jpeg)
Esta fundación deseña plans individualizados de apoio destinados a persoas con autismo que permanezan na súa residencia habitual ou institucionalizadas nunha contorna rural,
independentemente da súa idade. Tamén ofrece servizos asistenciais a domicilio, servizos de acompañamento, actuacións de respiro familiar ou para mellorar a autonomía persoal.
Publicidade
As familias que estean interesadas en participar no proxecto ou teñan algunha dúbida poden chamar ao departamento (986 59 20 37). O proxecto +RuralTEA está cofinanciado polo Fondo Social Europeo plus e a Fundación MAPFRE.