O obxectivo é contribuír a crear "espazos de encontro, conversa e coidado entre mulleres do rural"
Ecos da Comarca/Lalín
A asociación Azos Feminista de Lalín convida a participar nun novo encontro "Café de Pota" o próximo día 4. O local social de Moneixas dará continuidade a partir das 16:30 horas a esta proposta do colectivo feminista para contribuír a crear "espazos de encontro, conversa e coidado entre mulleres do rural".
Desde a asociación agradecen a implicación do colectivo de mulleres de Moneixas e animan a participar a todas as mulleres que o desexen, con ánimo de compartir un serán de charla e intercambio entre todas."
