Haberá que seguir levándoa en farmacias e centros sociosanitarios
Laura Moure/Xeral
A ministra de Sanidade, Carolina Darias, anunciou este xoves que o 7 de febreiro elevará ao Consello de Ministros "a proposta de eliminar a obrigatoriedade de levar máscara nos transportes públicos", atendendo á actual situación de estabilidade epidemiolóxica da Covid 19 e os informes de expertos e sociedades científicas. Mentres seguirá sendo obrigatorio levala en farmacias e centros sanitarios así como nos centros sociosanitarios para os seus traballadores e visitantes.
![](https://static.wixstatic.com/media/11062b_7e8f3ad97dce495f832dcc8e0f537504~mv2.jpeg/v1/fill/w_147,h_98,al_c,q_80,usm_0.66_1.00_0.01,blur_2,enc_auto/11062b_7e8f3ad97dce495f832dcc8e0f537504~mv2.jpeg)
Segundo declaracións da ministra de Sanidade, o fin da máscara no transporte público aprobarase no Consello de Ministros do vindeiro martes 7 de febreiro.
Previamente, a próxima semana, Carolina Darias convocará o Consello Interterritorial do Sistema Nacional de Saúde (CISNS) para coordinar a medida coas comunidades e cidades autónomas, tendo en conta o informe do Relatorio de Alertas e Plans de Preparación e Resposta dependente da Comisión de Saúde Pública.
A ministra lembrou que todas as decisións adoptadas nas distintas fases da pandemia acordáronse no CISNS e agradeceu o esforzo e traballo de todas as administracións, os expertos e sociedades científicas, os profesionais sanitarios e a cidadanía.