IsmaelRS/Xeral
Hoxe, venres, Galicia queda nunha situación intermedia entre un anticiclón que se coloca ó norte de Azores e unha borrasca que se vai achegando a Irlanda. Deste xeito, agárdanse brétemas no litoral oeste durante a primeira metade do día e ceos parcialmente nubrados con algúns chuvascos dispersos e ocasionais no resto, máis probables na metade norte. As temperaturas manteranse sen cambios significativos ou descenderán lixeiramente as máximas. Os ventos collerán compoñente norte co avance da xornada, tal e como comenta MeteoGalicia.
