As comarcas volverán contar hoxe venres con ceos con nubes altas e temperaturas elevadas
IsmaelRS/Xeral
Non se agardan cambios importantes na configuración sinóptica durante este día, coa masa de aire moi cálido sobre Galicia e o embolsamento de aire frío ao oeste da Península Ibérica. Deste xeito, teremos ceos con nubes de tipo alto, con entrada de nubes baixas desde o mar no litoral atlántico segundo avance a tarde. As temperaturas mínimas manteranse sen cambios significativos, mentres que as máximas sufrirán un lixeiro descenso. Os ventos soprarán de compoñente leste en xeral, fortes nos arredores de Ortegal, tal e como comenta MeteoGalicia.
