As comarcas terán hoxe venres os ceos pouco nubrados ou con intervalos de nubes altas
IsmaelRS/Xeral
Non se agardan cambios significativos para o venres, xa que Galicia continuará na influencia das altas presións, con réxime de ventos do nordés. Así, teremos nubes de estancamento con algunhas chuvias febles na Mariña de Lugo e ceos pouco nubrados ou con intervalos de nubes altas no resto. Pola tarde medrarán nubes de evolución en comarcas montañosas do interior que darán lugar a treboadas illadas. As temperaturas mínimas experimentarán un lixeiro descenso, mentres que as máximas quedarán sen cambios significativos. O vento soprará do nordés, frouxo no interior, moderado no litoral, con intervalos fortes en Costa da Morte, tal e como comenta MeteoGalicia.
Comentarios