As comarcas terán hoxe sábado os ceos pouco nubrados ou despexados con temperaturas en ascenso

IsmaelRS/Xeral

Hoxe sábado, Galicia quedará transitoriamente na influencia das altas presións, con réxime de ventos de compoñente sur. Así, a xornada será de ceo pouco nubrado ou despexado, con bancos de néboa matinais no interior, brétemas costeiras na franxa atlántica, máis mestas ao final da tarde, e algunha nube de evolución diúrna nas montañas do leste. As temperaturas experimentarán un lixeiro a moderado ascenso. O vento soprará frouxo do sur e suroeste, tal e como comenta MeteoGalicia.

Fonte: MeteoGalicia