IsmaelRS/Xeral
Na xornada de hoxe sábado, mantense a configuración de pantano barométrico, con moi pouco vento. Deste xeito, será un día de néboas e nubes baixas compactas, especialmente na metade oeste, que irán desfacéndose co avance do día. Pola tarde, medrará algunha de evolución diúrna en comarcas montañosas do interior con chuvascos tormentosos. As temperaturas descenderán de xeito lixeiro, tanto as mínimas como as máximas. O vento estará en calma ou soprará frouxo do oeste e noroeste, tal e como comenta MeteoGalicia.
