As comarcas terán hoxe os ceos nubrados con precipitacións máis frecuentes a partir do mediodía

IsmaelRS/Xeral

Non se agardan cambios na situación meteorolóxica para o mércores, con Galicia na influencia das borrascas e ventos de compoñente sur. Así, os ceos estarán parcialmente cubertos con chuvascos que pola mañá caerán na franxa atlántica e a partir do mediodía irán chegando a toda a Comunidade. As temperaturas mínimas non experimentarán cambios significativos, mentres que as máximas terán un lixeiro ascenso. O vento soprará do sur, moderado, con intervalos fortes na franxa costeira e zonas altas, tal e como comenta MeteoGalicia.

Fonte: MeteoGalicia