As comarcas terán hoxe domingo os ceos cubertos e as choivas farán acto de presenza ao final do día

IsmaelRS/Xeral

O domingo Galicia queda cun réxime de ventos do suroeste que traerán unha fronte fría ao final da xornada. Así, agárdanse ceos parcialmente cubertos, con máis nubes na franxa atlántica onde se poderá rexistrar algunha chuvia intermitente ao longo do día. Pola noite chegarán as chuvias asociadas á fronte, máis intensas na metade oeste. As temperaturas non terán cambios significativos. Os ventos soprarán do suroeste, frouxos pola mañá, aumentando en intensidade pola tarde, fortes no litoral noroeste, tal como comenta MeteoGalicia.