IsmaelRS/Xeral
A borrasca localizada entre os Azores e a Península Ibérica continuará deixando unha atmosfera inestable e polo tanto un tempo moi cambiante. Deste xeito, agárdanse ceos nubrados e chuvascos, que localmente serán fortes e virán acompañados de aparato eléctrico. As temperaturas mínimas non experimentarán cambios significativos, mentres que as máximas ascenderán lixeiramente. Os ventos soprarán entre frouxos e moderados de compoñente sur, tal e como comenta MeteoGalicia.
