Abarcan obradoiros, catas e maridaxes de melindres, augardentes e licores tradicionais da comunidade galega
Laura Moure/Melide
O Concello de Melide comeza hoxe, venres 28 de xaneiro, coa promoción do 30 aniversario da Festa do Melindre e da Repostaría Tradicional de Melide, que terá lugar no mes de maio. Deste modo, arranca a primeira das actividades da programación previa, que consiste nun obradoiro con maridaxe e cata no CIFP Compostela, impartido por Alberto Rodríguez, presidente da Asociación Melide Terra Doce, e Sonia Otero, enóloga e membro do panel de catas do Consello Regulador da II.XX das Augardentes e Licores Tradicionais de Galicia.
Ademais hoxe, de 5 a 8 da tarde, terá lugar a maridaxe entre a repostería de Melide e os augardentes de Galicia para o alumnado do CIFP Compostela, situado en Lamas de Abade, do Ciclo Medio de Servicios en Restauración adulto, Dirección en Servicios de Restauración adulto e Ciclo Superior de Cociña adulto. No evento, a enóloga do Consello
Regulador, e tamén embaixadora da Festa do Melindre, ofrecerá ao alumnado unha
explicación e cata das diferentes variedades das augardentes e licores tradicionais de
Galicia. Ademais, terá lugar un obradoiro e un debate co alumnado do centro buscando a maridaxe perfecta, probando e experimentando tamén con maridaxes alternativas.
Na cata probarase augardente de Galicia de distintas variedades: Albariño, Mencía, Godello, da zona do Ulla, de Herbas de Galicia, Licor de Herbas de Galicia e Licor Café tamén da comunidade galega.
Mentres, o luns 31 de xaneiro repetirase a actividade de 16 a 19 horas para o segundo Ciclo Medio de Servicios de Restauración e o primeiro curso do Ciclo Medio de Dual de Servicios de Restauración.
A Concellería de Promoción Económica de Melide continuará anunciando nas vindeiras datas as seguintes actividades da promoción dunha das festas máis doces de Galicia.
