top of page

Antas aproba bonificacións no imposto de Construcións para impulsar novas obras e proxectos

Ecos da Comarca/Antas de Ulla

O Concello de Antas de Ulla aprobou no último pleno municipal a modificación da ordenanza do Imposto de Construcións, Instalacións e Obras (ICIO), que xa está publicada no BOP e polo tanto a exposición pública para consultas e alegacións. “Unha actualización ventaxosa, con bonificacións que benefician ao conxunto da veciñanza para a realización de novos proxectos e obras no noso concello”, explica a alcaldesa, Pilar García Porto.

O tipo de gravame será progresivo en función do orzamento de execución, polo tanto todos os proxectos de ata 300.000 euros pagarán menos que na actualidade e os de maior cuantía tamén se teñen un marcado carácter social, fomentan ou crean emprego, están vinculados coa agrogandeiría ou manteñen tecido empresarial.


Publicidade

En concreto, establécese unha bonificación do 50% para as construccións, instalacións e obras que afecten a vivendas e outras edificacións vinculadas a proxectos agrogandeiros e para as vivendas de protección oficial.


A bonificación chegará ata o 90% para as familias numerosas, naquelas actuacións que afecten a súa vivenda habitual familiar, así como para as melloras necesarias para favorecer o acceso e habitabilidade dos discapacitados e dependentes.


Publicidade

Por último, a bonificación pode ser do 95% para as actuacións declaradas de especial interese ou utilidade municipal, por concorrer circunstancias de fomento do emprego ou porque supoñan melloras nas instalacións existentes.

0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png
bottom of page