top of page

Alba Forno apoiará ás traídas de auga veciñais para mellorar a xestión da escaseza desta en Lalín

O PSOE acusa de “nefasta” esta xestión sinalando que “coller auga en Vilatuxe, levala a Lalín e logo distribuíla ata debaixo do Carrio é unha perda de cartos e de auga”


Ecos da Comarca/Lalín

A candidata dos e das socialistas lalinenses, Alba Forno, ven de propoñer un programa de

apoio estable ás traídas veciñais de auga que en moitos casos “proporcionan auga de

primeira calidade e que cunha boa xestión pode axudar a aforrar moitísima auga aos

veciños e veciñas de Lalín”. De tal xeito, as comunidades interesadas nese programa

recibirían apoio administrativo para a xestión das comunidades e subvencións para a

mellora das redes e a construción de depósitos de abastecemento e hixiene.

Alba Forno xunto aos membros da candidatura Norma Fernández e Cristóbal Fernández,

con ampla experiencia na xestión de augas en Bermés, afirman que as traídas veciñais

poden ser unha grande axuda para a xestión da auga no Concello, “só hai que apoialas,

pois a escaseza vai ser cada vez maior, os ríos transcorren cada vez máis baixos en

verán, pero temos zonas onde non precisan ir a un río para sacar proveito de auga de

calidade”.


Os/as socialistas consideran unha aberración oller auga no Deza en Vilatuxe, subila ata

Lalín e logo bombeala ata parroquias coma Madriñán ou Anzo. “É ineficiente e non vai

resolver o problema da auga no verán, pola contra se apoiamos aos veciños e veciñas

poderemos conseguir auga de calidade, ben xestionada e diminuiremos o risco de quedar

sen auga no período estival”, aseguran dende o grupo socialista. Lamentan que Crespo lle dera as costas a esta posibilidade “porque está obcecado en derramar auga, pensa que cunha nova captación o problema se resolve, pero a xestión da auga en Lalín merece algo máis que un alcalde que derrocha, se despilfarra cartos como non vai despilfarrar auga”.

Desde o PSOE lalinense destacan que esta proposta encádrase perfectamente nos

parámetros de investimentos sostibles europeos, polo que están seguros de que contarán

con financiamento de Bruxelas para este fin e recalcan que o seu compromiso co medio

ambiente será efectivo e real, “porque hai que traballar nesa liña e as políticas deben ir

encamiñadas nese sentido, porque o coidado do medio ambiente ten que ser transversal

en todas as propostas que se saquen adiante”. Así mesmo, puntualizan que a xestión de

recursos naturais como a auga deben ser “primordiais”.




0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png
bottom of page