Durante o acto terá lugar tamén a presentación do libro 75 apertas de buxo irmandadas para Pintor
Ecos da Comarca/Agolada
O Auditorio Municipal Manuel Costa Casares de Agolada albergará o venres 25 de febreiro unha homenaxe a Xosé Vázquez Pintor. A cita será ás 20:00 horas. Ademais do tributo durante o acto terá lugar a presentación do libro 75 apertas de buxo irmandadas para Pintor.
![](https://static.wixstatic.com/media/0216be_19f50a58fed84003b15696c461bb84f8~mv2.jpg/v1/fill/w_160,h_107,al_c,q_80,usm_0.66_1.00_0.01,blur_2,enc_auto/0216be_19f50a58fed84003b15696c461bb84f8~mv2.jpg)
Por suposto, a entrada será libre ata completar o aforo, pero deberase seguir o protocolo de loita contra a Covid e é obrigatorio o uso da máscara e manter a distancia de seguridade. Así mesmo, a organización prega ao público asistente que se achegue media hora antes das oito para evitar aglomeracións.
Intervencións
Durante o acto, intervirán Manuel Boubeta Costas (en representación de amigos de Cangas, Vigo e Cambados); Antom Laia López e Socorro Cea (en representación dos amigos Terra de Abeancos); Baldomero Iglesias Dobarrio (Mero) (en representación dos amigos Terra Chá de Lugo); Carlos Negro e Carmen Lareo Morao (en representación das Terras de Deza) e David Otero (en representación de Tabeirós/Terra de Montes).
A música correrá a cargo da Coral Polifónica de Galicia e de Xosé Iglesias Fernández.
Cabe mencionar que Xosé Vázquez Pintor naceu en Melide, pero pasou a súa infancia e xuventude en Agolada e agora tamén está a maior parte do seu tempo na localidade agoladesa.
Podedes obter máis información deste escritor no seguinte enlace: