Terá lugar na parroquia cruceña de Merza do 17 ó 21 de xullo de 2024
Ecos da Comarca/Vila de Cruces
Merzapercusión celebra en 2024 a súa decimonovena edición. É un dos cursos de
percusión máis lonxevos a nivel nacional e leva formado a múltiples xeracións de percusionistas. Terá lugar na parroquia cruceña de Merza en xullo.
O curso ofrece unha formación integral no campo da percusión, desde a técnica básica
ata a interpretación musical, dando a coñecer a música de percusión de diferentes estilos e culturas. O alumnado ten a oportunidade de aprender de artistas e profesores nacionais e internacionais de recoñecido prestixio.
O programa do curso inclúe clases maxistrais, talleres, concertos e jam sessions e os alumnos teñen a oportunidade de participar en grupos de cámara, sección orquestal, gran ensemble e blocos, converténdose nos protagonistas principais do Merza-Reunión, espectáculo final que clausura o curso.
Publicidade
O Merzapercusión está dirixido a percusionistas de todos os niveis, desde principiantes ata profesionai e terá lugar en Merza do 17 ó 21 de xullo de 2024. Ademais, este ano contan cunha nova modalidade MerzaDrums orientado a percusionistas especializados no mundo da batería. As inscricións pódense realizar a través da web de Merzapercusión.
Para máis información, podes visitar a web de Merzapercusión ou contactar coa organización do curso.
