top of page

A Xunta concede dúas axudas que suman 100.000 euros ao Concello de Boimorto

O fin delas é para a mellora da accesibilidade e a adquisición dun vehículo


Ecos da Comarca/Boimorto

A conselleira de Política Social e Xuventude, Fabiola García, visitou este mércores o concello de Boimorto para dar conta das axudas para a supresión de barreiras arquitectónicas e a adquisición de vehículos das que se beneficiará este municipio.

En concreto, a Xunta concedeu dúas achegas económicas por un total de 100.000 euros a este municipio coruñés para acometer estas actuacións.


Publicidade

Fabiola García, que foi recibida pola alcaldesa, María Jesús Novo, explicou que con estas novas liñas de axudas, o Concello de Boimorto acometerá a mellora da accesibilidade da rúa Vilanova, cun investimento de 48.400 euros.


Publicidade

A segunda das axudas empregarase na compra dun vehículo para mellorar o funcionamento dos seus servizos e centros sociais.


Publicidade

O Goberno galego destina un total de 3 millóns de euros a estas dúas ordes de axuda —2 millóns para a mellora da accesibilidade de espazos, equipamentos ou edificios públicos e 1 millón para a adquisición de vehículos—.


Están dirixidas a concellos cun censo máximo de 10.000 habitantes e aqueles que resultaron beneficiarios teñen de prazo ata o mes de marzo para xustificalas, no caso das de accesibilidade, e ata maio no caso das subvencións para a compra de vehículos.


0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png
bottom of page