A voceira nacional do BNG, Ana Pontón, estará o sábado 21 de maio en Lalín
Será nun acto dentro da campaña de encontros abertos coa cidadanía que o BNG de Lalín está levando adiante
Ecos da Comarca/Lalín
A voceira nacional do BNG, Ana Pontón, participará o vindeiro sábado, 21 de maio en Lalín, nun acto dentro da campaña de encontros abertos coa cidadanía que o BNG de Lalín está levando adiante. Trátase dun acto de contacto directo coa veciñanza, participativo, no que o principal obxectivo é que as e os asistentes poidan intervir, preguntar sobre asuntos relacionados coa situación política, social e económica do país e
trasladarlle as inquedanzas da sociedade lalinense.
O acto desenvolverase o 21 de maio, a partires das 12:30 horas, na Praza da
Igrexa de Lalín e será presentado polo voceiro municipal Francisco Vilariño.
