A veciña de Antas Andrea Santiso Arias recibe o Premio á Calidade Lingüística en Lingua Galega

Laura Moure/Antas de Ulla

A moza de Antas de Ulla Andrea Santiso Arias, investigadora do ILG, recibiu o Premio á Calidade Lingüística en Lingua Galega na área de Arte e Humanidades polo traballo de fin de grao Toponomástica, documentación histórica e estudo lingüístico: unha aproximación á toponimia maior do concello de Antas de Ulla, dirixido pola investigadora do ILG Ana Isabel Boullón Agrelo, tal e como informa o Concello de Antas de Ulla.

Estes premios son organizados polo Servizo de Normalización Lingüística da USC. "Un orgullo para o noso concello. Moitos parabéns", recalca o equipo de goberno.