O día 9 deste mes celebrarase nese escenario a romaría na honra a esta santa
Ecos da Comarca/Touro
Un grupo de veciñas e veciños de Baiobre, na parroquia de San Cristovo de Beseño en Touro xuntouse para acondicionar a carballeira centenaria que acolle a capela en honra a Santa Isabel, tal e como informa o propio Concello.
Publicidade
Alí celebrarase o vindeiro domingo, día 9 de xullo, a tradicional Romaría de Santa Isabel. A veciñanza rozou este espazo e preparouno para recibir a todos os que queiran participar nunha celebración que ten previstas misas ás 10:00, 11:00 e 12:00 horas.
Publicidade
A misa solemne será ás 13:30 horas. A continuación haberá baile de mediodía e verbena con JB SON. Os organizadores informan que tamén haberá polbo e churrasco.
