Perruquería Marisa.png

ESPAZO DISPOÑIBLE PARA ANUNCIARSE

A rede de calor con biomasa de Silleda e a mellora da mobilidade peonil, en Canejan

A concelleira Pili Peón, representou á entidade local nos actos centrais celebrado este sábado nesta localidade francesa, na que un grupo de silledenses está a convivir


Laura Moure/Silleda

O Concello de Silleda estivo presente esta fin de semana no encontro europeo sobre sustentabilidade que se está a celebrar dende a pasada semana na localidade irmá de Canejan, situada no rexión francesa da Gironda. A concelleira de Medio Ambiente, Pili Peón, incorporouse esta fin de semana á expedición silledense que está a convivir ca veciñanza de Canejan dende o pasado luns, para representar a Silleda nos actos oficiais

que se celebraron este sábado.

Na súa intervención, Peón lembrou que a relación con Canejan comezou en 2016, un ano antes de formalizarse o irmandamento, buscando sinerxias comúns “que favorezan a Cooperación municipal directa nunha clara orientación cara ao desenvolvemento local sostible e o fortalecemento institucional público”.


Ademais de lembrar algúns dos Obxectivos de Desenvolvemento Sostitble (ODS) “que supoñen non deixar atrás a ningúen aunando desenvolvemento económico, social e ambiental”, a concelleira silledense citou algúns dos retos aos que se enfrenta a UE, e destacou que os irmandamentos “serven para estimular a cooperación transnacional

dende unha perspectiva local”.

No tocante ás actuacións locais, no encontro cada un dos representantes das localidades presentes expuso distintas actuacións e experiencias. Peón destacou o fito que supuxo para Silleda contar ca primeira Rede de Calor con biomasa de carácter público-privado de Galicia, cun investimento que supera o millón de euros e que se materializou en dúas fases, supoñendo un destacado aforro no consumo enerxético, entre outros.


A concelleira tamén lembrou actuacións realizadas con fondos europeos coma o caso da obra de mellora da mobilidade peonil na rúa Progreso, a compostaxe doméstica, o programa Deza Circular, a planta de tratamento de biorresiduos que se instalará en breve en Área 33, o cambio de luminarias a LED, ou outras iniciativas do tecido social coma o programa Trasdeza sen plástico, promovido pola Asociación de Empresarios e Comerciantes de Silleda.


Ademais, Peón agradeceu a hospitalidade e a “gran acollida que sempre nos brindou Canejan” nun acto ao que asistiron representantes do municipio anfitrión, co seu alcalde Bernard Garrigou; de Poggio Mirteto (Italia), tamén irmandado con Silleda e de Nagykowacsi (Hungría), así coma os presidentes dos distintos comités de irmandamento. O programa de actos no que está a participar dende o luns 22 o grupo silledense, con membros do Comité para a Xestión de Proxectos Europeos de Silleda (Coxesi), que preside Belén Calvo, continuará ata este luns, día en que os grupos partirán ao seu lugar de orixe.

69 visualizaciones0 comentarios
IRS.jpg

ESPAZO DISPOÑIBLE PARA ANUNCIARSE