top of page

A programación do 25N en Melide pon o foco na mocidade e na saúde física e mental das mulleres

Laura Moure/Melide

O Concello de Melide organiza durante o mes de novembro un amplo programa con motivo do 25-N, Día Internacional pola Eliminación da Violencia contra a Muller. Un ano máis, a programación fai fincapé na importancia dunha formación en igualdade para a mocidade, complementada con actividades de interese para mulleres de calquera idade.

O programa dá comezo o mércores 8 de novembro no IES de Melide, onde o alumnado

traballará nun obradoiro para preparar o vídeo que proxectarán o propio 25 de novembro.

Este obradoiro continuará o luns 13. Pola súa banda, ese mesmo día, ao longo da mañá,

o alumnado de 5ª de Educación Primaria do CEIP Nº1 e do CEIP Mestre Pastor Barral

participará nun obradoiro de elaboración dun podcast para o 25N. O venres 17 de

novembro, o alumnado de 5º do CEIP Martagona levará a cabo o seu propio obradoiro

para o podcast.


Na mesma mañá do luns 13, o alumnado do IES de Melide participará na actividade AgresiónOFF. Eu digo non á violencia sexual. Será a partir das 9:30 horas.


Publicidade

O martes 14 de novembro, o Centro Social acollerá ás 17 horas a primeira das dúas charlas dirixidas á muller. O tema será Saúde mental e muller, e impartiraa Area López, técnica de FEAFES (Federación de Asociacións de Familiares e Persoas con Enfermidade Mental de Galicia). Para inscribirse, abonda con chamar ao 981 50 57 06 ou facelo no propio centro social.


A segunda charla levará por título Solo pelviano e será impartida pola fisioterapeuta Lorena Pampín ás 17 horas no centro social o martes 28 de novembro. As inscricións poden

facerse a través das mesmas canles que no caso da charla anterior.


O mércores 15 de novembro, o alumnado de 4º de Primaria dos CEIP Martagona e Mestre Pastor Barral participará no Obradoiro Desbotando a violencia. O alumnado do CEIP Nº1 fará o propio ao día seguinte, xoves 16.


O luns 20 de novembro, o alumnado de 3º curso do IES de Melide participará nunha Escape Room temática. Será en dúas quendas durante a mañá e a tarde.


Publicidade

Pola súa banda, o martes 21 de novembro, o alumnado de Educación Infantil do CEIPS

Melide asistirá á función teatral Contos vellos, novos finais. Trátase dunha peza que

avoga pola igualdade entre mulleres e homes.


O venres 24 de novembro, o esforzo do alumnado de Melide terá a súa recompensa coa

publicación nas redes sociais do vídeo elaborado nos distintos obradoiros con motivo do

25-N. Unha oportunidade única, novamente, de dar voz á mocidade contra a violencia de

xénero e a prol da igualdade.


O sábado 25 de novembro procederase á lectura do manifesto ás 10 horas na Praza do

Convento. Posteriormente, terá lugar unha andaina circular por Melide de 6,5 quilómetros

para a que se abrirán as inscricións o vindeiro día 13, no departamento de Deportes do

Concello ou por medio da APP Sporttia.

0 comentarios

Comentarios


IRS.gif
Copia de ¡TU Anuncio!.gif
Ecos_da_Comarca_neg.png
bottom of page