Perruquería Marisa.png

ESPAZO DISPOÑIBLE PARA ANUNCIARSE

Pladur Touro.png

ESPAZO DISPOÑIBLE PARA ANUNCIARSE

A Plataforma Cornado Mina Non: "A sombra de Trafigura planea sobre a mina de Touro"

"O accionista de referencia de Atalaya Mining en Riotinto acumula denuncias internacionais por contaminación, corrupción e actuar contra os dereitos humanos", asegura


Ecos da Comarca/Touro

A Plataforma Veciñal Cornado Mina Non continúa coa súa loita e asegura que "Trafigura acumula denuncias internacionais por contaminaciónn, corrupción e por actuar contra os dereitos humanos". E critica que Venancio Salcines a defenda e que incluso diga que esta compañía busca a sostenibilidade.


COMUNICADO ÍNTEGRO DE CORNADO MINA NON

"Co respaldo público do conselleiro da mineira en Galicia, Venancio Salcines, ás actividades da compañía, o economista fai gala unha vez máis do seu absoluto descoñecemento dos danos causados polas grandes corporacións transnacionais no seu obxectivo de conseguir o máximo beneficio a calquera prezo.


Trafigura acumula denuncias internacionais por contaminación, corrupción e actuar contra os dereitos humanos e foi condeada por xustiza holandesa polo desastre ambiental ocasionado en Costa de Marfil no ano 2006. O feito de que José Venancio Salcines Cristal, tamén director xeral da universidade privada CESUGA e presidente do comité de marca de Pino de Galicia diga publicamente que Trafigura, como accionista de referencia de Atalaya Riotinto “solo sabe que las cosas hay que hacerlas bien” despois dos desastres orixinados por unha empresa que acumula denuncias internacionais por contaminación, corrupción e actuar contra os dereitos humanos é canto menos lamentable e demostra unha torpeza sen parangón nalguén que se xacta en público de ser contratado como “senior advisor” (“conselleiro senior”) da extractiva.


Quizais o “conselleiro” galego de Atalaya Mining descoñeza que o 19 de agosto de 2006 Trafigura foi a responsable dun dos maiores desastre medioambientais do presente século XXI, no que máis de 100.000 persoas necesitaron asistencia médica e ao menos 15 personas perderon a vida por unha vertedura incontrolada de residuos en Costa de Marfil. Por este motivo, os miles de afectados tiveron que ser atendidos con cadros clínicos de vómitos, diarreas, queimaduras e problemas respiratorios e moitos deles quedaron con graves secuelas permanentes. Ademais, un informe da ONU confirmou posteriormente a relación causa-efecto pese ás continuas evasivas da empresa.


Segundo relatan medios e entidades de máxima fiabilidade como a BBC británica ou a ONG Amnistía Internacional, Trafigura xerou os residuos ao utilizar sosa cáustica para “lavar” un derivado do petróleo altamente sulfuroso denominado “nafta de coker”. Unha vez lavada, o obxectivo de Trafigura era mezclar a nafta con gasolina a cambio duns beneficios duns 7 millóns de dólares estadounidenses por carga. A compañía intentou librarse do refugallo sen resultado ata en cinco países: Malta, Italia, Xibraltar, Paises Baixos e Nixeria.