Catas co consello regulador D.O.P. Arzúa Ulloa, masterclasses co Arzúa- Ulloa D.O.P., actividades divulgativas nos centros de educación infantil arzuáns e a elaboración e exposición da réplica doce do cartel do evento conforman a oferta de actividades da EFA
Laura Moure/Arzúa
O centro de formación profesional e promoción rural Efa Piñeiral colabora activamente
unha edición máis coa Festa do Queixo de Arzúa. Nas instalación do centro arzuán celebraranse catas a cargo do consello regulador D.O.P Arzúa- Ulloa co gallo de afondar nas propiedades nutricionais do produto estrela da comarca.
![](https://static.wixstatic.com/media/0216be_97ffb3f6a7cf47608855642026873616~mv2.jpeg/v1/fill/w_147,h_110,al_c,q_80,usm_0.66_1.00_0.01,blur_2,enc_auto/0216be_97ffb3f6a7cf47608855642026873616~mv2.jpeg)
Hoxe, martes, alumnado do ciclo superior de Educación Infantil do centro arzuán liderará sendas actividades de sensibilización nos centros de educación infantil de Arzúa. O obxetivo é que os escolares coñezan os recursos do territorio da man de materias de refugallo, contos ou manualidades.
Publicidade
Este xoves ás 17.00 horas na Efa Piñeiral celebrarase a masterclass “Paraísos da Arzúa
Ulloa” a cargo da chef Vera Avola na que se poñerá o foco na versatilidade do queixo Arzúa Ulla en diferentes e innovadoras propostas culinaras. A actividade conta con
prazas limitadas, cun custe de 10 euros e a inscrición debe realizarse no 981 500 580.
Publicidade
A réplica doce do cartel anunciador da 49 edición da Festa do Queixo estase ultimando
no obrador da Efa Piñeiral polo alumnado do ciclo de panadaría e repostaría e
presentarase este xoves no propio centro durante a masterclass. Estará exposto durante a fin de semana no stand da organización da Festa do Queixo no recinto feiral.
Publicidade
Xa o sábado pola tarde ás 17 horas, na cociña do recinto feiral alumnado e profesorado do ciclo de panadaría repostaría e confeitaría da Efa Piñeiral impartirán a masterclass “Erase unha vez unha sobremesa de queixo e chocolate”. Ata 15 participantes poden
participar nesta masterclass cuxa inscrición debe realizarse no 981 500 580.
“Non podemos faltar á nosa cita coa Festa do Queixo porque entendemos é unha
ocasión excepcional para contribuir á posta en valor dos recursos do noso territorio e a
apoiar o seu coñecemento, dende os máis cativos ata os presentes e futuros
profesionais de diferentes ámbitos”, afirma a directora da Efa Piñeiral Raquel Carregal.