top of page

A Deputación da Coruña mellorará a seguridade da estrada DP-0605 na Muíña, en Touro

Levará hoxe a pleno esta actuación que contará cun investimento de 347.551 euros


Laura Moure/Touro

A Deputación da Coruña leva hoxe ao pleno ordinario de maio un investimento de 347.551 euros para as obras de ampliación e mellora da seguridade da estrada provincial DP 0605 no lugar de A Muíña, no termo municipal de Touro.


Para mellorar a seguridade ensancharase a calzada dos 4,80 metros actuais a 7 metros, con carrís de circulación de 3 metros e beiravías laterais. As obras inclúen tamén a construción dunha senda peonil de dous metros de ancho na marxe esquerda da calzada, o que permitirá circular con seguridade as veciños que ata agora non dispoñen dun paso peonil seguro.

As actuación desenvolveranse entre os puntos quilométricos 5+900 e 6+530 e contan cun prazo de execución de seis meses a partir do seu inicio.


0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png
bottom of page