Ecos da Comarca/Rodeiro
![](https://static.wixstatic.com/media/0216be_ea45c51074e04df0b0b9340646fa04ef~mv2.jpeg/v1/fill/w_147,h_110,al_c,q_80,usm_0.66_1.00_0.01,blur_2,enc_auto/0216be_ea45c51074e04df0b0b9340646fa04ef~mv2.jpeg)
O director xeral de Gandaría,Agricultura e Industrias Agroalimentarias, José Balseiros, participou este venres pola noitena cea anual da Cooperativa O Rodo, radicada no concello de Rodeiro, na que todos os cooperativistas se xuntaron para poñer en valor o seu traballo. Tamén estiveron o presidente da Deputación de Pontevedra e exalcalde de Rodeiro, Luis López, o mandatario rodeirense, José Luis Camiñas ou o tenente de alcalde, Alberte Lamazares, entre outras personalidades.
Publicidade
A adaptación ás novas tecnoloxías e a falta de relevo xeracional son os grandes retos aos
que se enfronta o sector primario e a Xunta está a traballar para superalos. Nos
orzamentos do 2024 destinaranse máis de 83 millóns de euros para accións que permitirán
afondar na competitividade e a remuda xeracional.
Publicidade
No agro, en concreto, destacan as axudas para a transformación e comercialización de produtos agrarios, que contarán cun novo investimento de 32,6 millóns -2 millóns máis que en 2023-, ou os 16 millóns para favorecer a incorporación de mozos á actividade.