A conselleira de Medio Rural, María José Gómez, visita á gandaría Casal-Vázquez, situada en Melide

Aquí abordou a remuda xeracional no agro a través das axudas da Xunta para a incorporación de mozos e plans de mellora das explotacións

Laura Moure/Melide

A conselleira de Medio Rural, María José Gómez, destacou onte o compromiso da Xunta coa remuda xeracional no agro a través das axudas para a incorporación de mozos e plans de mellora das explotacións. Foi durante a súa visita á gandaría Casal-Vázquez, situada en Melide, e na que estivo acompañada polo director xeral de Gandaría, Agricultura e Industrias Agroalimentarias, José Balseiros.

Nesta liña, a conselleira fixo fincapé no orzamento da última convocatoria destas subvencións, que acada os 53 millóns de euros e que representa a maior dotación destas

achegas desde o ano 2018. Ademais, cómpre salientar que desde o 2009 estas axudas

apoiaron a incorporación de máis de 5.000 mozos ao agro galego e que só no período

2016-2024 esta medida supuxo unha inxección económica no rural duns 369 millóns de

euros, beneficiando máis de 5.800 explotacións.

 PUBLICIDADE

Se queres obter máis información do evento preme na imaxe.

Labor de divulgación a través das redes sociais

Sobre a gandaría visitada onte, a conselleira quixo agradecer á súa co-titular, Lucía Casal,

o seu traballo “como muller, como gandeira e como influencer”, xa que esta moza, que

recibiu axuda para a súa incorporación, non só xestiona a granxa, senón que tamén

comparte en redes sociais a súa experiencia. Un labor de difusión e de divulgación que Gómez cualificou como “fundamental para animar a outras mozas e mozos” a seguir o seu

exemplo.

 PUBLICIDADE

Preme para obter máis información.

Do mesmo xeito, a titular de Medio Rural subliñou que esta explotación recibiu tamén achegas para mellorar as súas instalacións, un proceso no que segue avanzando para consolidar a súa actividade, centrada no vacún de carne en extensivo con máis de 40 bovinos e inscrita en Ternera Gallega. Esta orientación produtiva, segundo sinalou Gómez,

é clave para ordenar e xestionar o territorio cun enfoque sustentable.