Laura Moure/Vila de Cruces
Fronte a outras localidades galegas que anularon os desfiles do Nadal debido á disparada propagación da Covid-19 en Galicia e ás restricións, Vila de Cruces recibirá ás súas Maxestades de Oriente "como sempre fixemos, con gran entusiasmo. E por tanto, as nenas e nenas de Vila de Cruces terán aos Reis Magos e por suposto, poderán recoller os seus agasallos", informa o tenente de alcalde cruceño, Julio López.
Julio López resolveu así una das dúbidas que estaba pendente: o formato. A priori ía ser en movemento pola tarde. Finalmente, será estática no Auditorio Municipal Xosé Casal este 5 de xaneiro ás 18:30 horas. "Esta decisión tómase polo gran avance que se está sufrindo nos contaxios da Covid-19 en Galicia, e a meteoroloxía, que parece que non vai ser a máis adecuada para realizar este evento en exteriores", subliña o Concello.
Con todo, as súas Maxestades solicitaron que todos os nenos, nenas e os seus acompañantes cumpran coas normas vixentes de seguridade e así eles poderán esa noite seguir traballando para que cando se esperten pola mañá todos teñas os seus agasallos desexados.
