A Asociación de Veciños 'As Lamas de Gontá' mellorou o seu local social co apoio da Xunta

O delegado territorial, Javier Arias, explica que o Goberno galego achegou financiamento para renovar as ventás e acondicionar a fachada

Laura Moure/Palas de Rei

A Xunta colaborou no acondicionamento do local social de Gontá, en Palas de Rei, a través da orde de axudas anual para apoiar a actividade das asociacións de veciños.

O delegado territorial de Lugo, Javier Arias, visitou o inmoble para coñecer o resultado das

obras, promovidas pola agrupación veciñal As Lamas de Gontá cunha achega autonómica

de 12.000 euros.

 Publicidade

Preme na imaxe para obter máis información.

A actuación centrouse na limpeza e pintado das fachadas, así como na substitución das

carpinterías exteriores por unhas modernas de PVC que melloran a eficiencia enerxética e

as condicións de illamento. Para iso, cambiáronse tanto as vellas estruturas das fiestras

como a porta de acceso. En conxunto, acadouse unha mellora estética e funcional das

instalacións.

Publicidade

Preme para contactar con nós e pregunta polas tarifas que son unha bicoca!

Arias explicou que a Consellería de Presidencia, Xustiza e Deportes destinou este ano

653.200 euros a colaborar con 72 organizacións veciñais da provincia de Lugo a través

deste programa. No municipio de Palas de Rei, tamén foi beneficiaria a agrupación de

Santiago de Lestedo.

O obxectivo é financiar obras de acondicionamento, reforma ou ampliación dos locais das

asociacións; así como adquirir material necesario para desenvolver as súas actividades.