A agrupación palense Palacio do Rei acada o primeiro premio no Día da Muiñeira de Cee

Conta actualmente cunha canteira de 42 alumnos/as de diversas idades

Laura Moure/Palas de Rei

A agrupación palense Palacio do Rei acada o primeiro premio no Día da Muiñeira de Cee, que tivo lugar o pasado 1 de maio. Un dos maiores encontros da cultura popular na vila da Xunqueira, onde a música, o baile e os traxes tradicionais na rúa son os protagonistas e que este ano xuntou a uns 600 participantes, entre bailadores, bailadoras, pandereteiras e gaiteiros, tanto da zona, como de distintos puntos da xeografía galega. Así, participaron, ademáis de Cee, agrupacións de: Palas de Rei, Santiago, Betanzos, Teo, Baio, Louro, Outes, Vimianzo, Boiro, Corcubión e Fisterra.

Todas as agrupacións, máis alá das pezas presentadas ó certame bailaron xuntas

este ano a Muiñeira do Hío contribuíndo a un novo momento histórico nesta cita que vai pola 38 edición na localidade de Cee.

 PUBLICIDADE

Se queres obter máis información do evento preme na imaxe.

En canto ós galardóns na categoría A (menores de 14 anos) o primeiro premio foi para Adro de Baio e na categoría B (maiores de 14 anos) foi para Palacio do Rei de Palas.

A agrupación Palacio do Rei conta actualmente cunha canteira de 42 alumnos/as de diversas idades que participan en numerosas actuacións e certames de música tradicional en distintos puntos da xeografía galega e de fora da Comunidade.

 PUBLICIDADE

Preme para obter máis información.

A actividade formativa soe ser o venres polas tardes na Casa de Cultura de Palas de Rei.

Actualmente organizan en Palas de Rei, coincidindo coas festas patronais de setembro, un festival de danza tradicional donde presentan o traballo que desenvolven durante o ano e traen a agrupacións doutros puntos da xeografía galega e de fora coas que colaboraron.