Horario e localización
28 dic 2024, 16:30 – 20:30
O Pedrouzo, Rúa Forcarey, O Pedrouzo, 15821 O Pino, A Coruña, España
Sobre o evento
O próximo sábado 28 de decembro, o Concello do Pino converterase nun punto de encontro para amantes do deporte e do Nadal coa celebración da I San Silvestre do Pino. Esta carreira popular, organizada pola área de Deportes do Concello en colaboración coa Federación Galega de Atletismo e co Club Atletismo O Pino, marcará unha nova tradición no calendario festivo do municipio, combinando a actividade física coa alegría propia destas datas.
O evento comezará ás 16:30 horas, coa saída na praza de Forcarei, que tamén será o punto de chegada. Durante a tarde, corredores de todas as idades, vestidos co espírito e coa simboloxía do Nadal, percorrerán as rúas do Pino nun ambiente festivo.
A carreira contará con probas adaptadas a distintas franxas de idade e condicións físicas. Os máis pequenos abrirán a xornada cun percorrido de 165 metros para a categoría de escolares nados entre 2019 e 2021. Deseguido,…