Ruta de sendeirismo: Touro - Patrimonea

ENTRE PAZOS, FERVENZAS E CORREDOIRAS

SENDEIRISMO E VISITA PAZO DE ANDEADE. Domingo 8/8/21

Lugar de encontro Café- Bar A Peneira 09:15 h  Calle Bispo Xosé Diéguez Reboredo, 5, 15822, A Coruña

Dificultade: BAIXA (con determinados puntos de dificultade media) Distancia: 15 KM (+-) Tipo de ruta: CIRCULAR

Prezos : 

*PREZO ESPECIAL aos que fagan a reserva indicando que o leron en ECOS DA COMARCA. 12€/persoa. 

* 18 euros I.V.E incluído (1 persoa). 15€ (2 persoas ou máis). 8€ menores de 16, gratis o segundo nen@.

 O precio inclúe:

• Guía coa titulación esixida pola lexislación vixente
• Seguro de Responsabilidade Civil (Seguros Berkley, entidade mediadora Celtisegur) – Seguro de accidentes nominal a cada participante (Seguros Berkley, entidade mediadora Celtisegur)
• Unha experiencia inolvidable na natureza descubrindo o noso patrimonio  Ven a coñecer un dos bosques de ribeira mellor conservados de Galicia. Unha ruta deseñada para que poidas disfrutar da riqueza paisaxística e patrimonial das terras bañadas pola Ulla. Unha mirada profunda á paisaxe que che permitirá coñecer a súa evolución ao longo do tempo.

A ruta circular que disfrutaremos ten o seu inicio/chegada na igrexa parroquial de San Tirso de Cornado. Ao longo dos 15 km (aproximados) disfrutaremos de fermosas fervenzas, impoñentes pazos da idade moderna e de antigas corredoiras que nos levan aos muíños de auga . O itinerario combina os mellores tramos da coñecida ruta PR-G 121 (ruta dos tres ríos) e a PR-G 233 (Fervenza Santa Marta ao río lañas) con outros sendeiros que nos achegarán a diferentes núcleos de poboación.

Farase unha parada no camiño para comer. Cada participante traerá a súa comida.

Ao rematar a andaina, grazas á colaboración do Pazo de Andeade poderás coñecer a historia deste ben patrimonial do siglo XVIII, actualmente parada obligatoria para centos de peregrinos do camiño de Santiago.

REQUISITOS: Persoas con condicións físicas axeitadas para a realización da ruta. A ter en conta que o seguro de accidentes para menores de 14 só cubre gastos médicos (por lei). Os menores de idade deberán ir acompañados por unha persoa maior de idade (que será a que formule a súa inscripción).

INSCRIPCIÓN E FORMA DE PAGO

Tan só tes que mandar un correo electrónico a patrimoneaulla@gmail.com indicando o número de prazas que desexas reservar cos datos de cada persoa (nome e apelidos, DNI e idade en caso de ser menor). PRAZO LÍMITE DE INSCRIPCIÓN SÁBADO 7 ÁS 20:00

• O pago pode facerse en efectivo o día da ruta (moi importante traer os importes exactos) e facer a reserva previamente por correo electrónico ou whatsapp.
• Outro método de pago será a través de Bizum (607 762 260). Confirmarás a reserva cun correo electrónico indicando a realización do pago por Bizum e achegando os datos persoais dos inscritos.
• Se o desexas tamén poderás pagar mediante transferencia bancaria á conta: ES91 2080 0321 7830 0006 3625. A reserva farase cun correo electrónico a patrimoneaulla@gmail.com cos datos persoais para formalizar os correspondentes seguros (nome e apelidos, DNI e idade -en caso de non ter 18  anos-) . A reserva quedará confirmada unha vez que respondamos ao correo confirmando a dispoñibilidade de prazas e dando conformidade para que poidades efectuar a transferencia (deberás enviar ao noso correo o xustificante da transferencia).

*Se tes calquera dúbida ponte en contacto con nós por whatsApp/Telegram no número 699 680 217

MEDIDAS CO-VID 19 E OUTROS

Serán de obligado cumprimento as normas dictadas polas autoridades sanitarias vixentes no momento no que se leve a cabo a ruta. Non deberás asistir se tes algún dos síntomas compatibles con esta enfermidade (febre, tos…). O uso da máscara é obrigatorio sempre e cando non se poida respectar a distancia de seguridade. O incumprimento das medidas é un motivo xustificado de expulsión da actividade.

É imprescindible traer un calzado axeitado para a práctica do sendeirismo así como bebida para hidratarse ao longo da ruta. Non esquezas traer máscara de reserva.

GRUPOS LIMITADOS POLA LEXISLACIÓN VIXENTE

ORGANIZA PATRIMONEA Teléfono: 699 680 217 Email: patrimoneaulla@gmail.com Rexistro en Turismo Activo da Xunta de Galicia Guía da ruta con titulación en Ciencias da actividade física e do deporte